Ekaineko osoko bilkuran onartu zuten, aho batez, aurrerantzean ezingo dela erre Zarauzko hondartzan. Horretaz gain, herritar zein bisitari guztien "lasaitasuna" bermatzeko helburuarekin, debekatuta egongo da megafono, transistore eta antzeko aparatuen erabilera. Zakurren egutegia ere eguneratu dute. Udako denboraldian, 21:00etatik 09:00etara bakarrik izango dute baimendua hondartzarako sarrera. Erabakiaren bueltan, herritarrek duten iritzia ezagutzeko kalera atera da Guka.