Izeta harri eskolak kide berria dauka: Maddi Salterain Lopetegi, Urra II.a zarauztarra. 13 urte ditu, eta duela pare bat hilabete hasi da harri jasotzen. Jendaurreko debuta, berriz, gaur eguerdian egin du Urteta auzoan, sansebastianetako herri kirol jaialdian.
50 kiloko harri zilindrikoa altxatu du aurrena; bi minutuan 18 altxaldi eman dizkio. Gero, pisu bereko kubikoarekin aritu da, eta hari ere beste horrenbeste jasoaldi eman dizkio denbora berean.
Auzotarren animo oihurik eta txalorik ez zaio falta izan gazteari bere debutean.