Donosti Motards elkartearen XI. urteurrena ospatu zuten atzo, larunbata, Itxasmendi auzoan, eta egun osorako egitaraua izan zen motozale gaztetxo nahiz helduentzat. Goizeko hamaiketan moto ibilaldia egitera atera ziren, eta 14:00ak aldera bazkaria egin zuten. Arratsaldean, haurrentzako moto txikiak jarri zituzten, baita hainbat jolas ere. Jarraian, 17:00etan, motoen ikuskizuna edo trial show-a egin zuten, Itxasmendiko pistan.
Donosti Motards Donostiako motozale taldea da, eta asteburuetan bildu ohi dira, ibilaldiak egiteko eta beste herrietako motozaleak ezagutzeko.