Urteekin indarra hartzen doa Arroabean antolatzen duten Artisauen eta Baserritarren Azoka. Eguraldi onak animatuta, inguruko herrietako lagun ugari gerturatu da Arroabera, azokan jarritako postuetan kuxkuxeatzera eta, egoki ikusten bazuten, erosketaren bat edo beste egitera.
Aurtengo aldian berrikuntzak ere izan dira. Esaterako, Jakoba Errekondok landatze egutegia aurkeztu du Elkargunean, baita ekitaldira hurreratu direnen galderak erantzuteko tartea hartu ere.