Eskualdera bidean dira Meltxor, Gaspar eta Baltasarrak, Urola Kostako ume guztientzat opariak gainean hartuta. Horiek banatzen hasi aurretik, ordea, ohiko kabalkadak eta desfileak egingo dituzte herriz herri; hona hemen ordutegiak eta bestelako xehetasunak:
- Aia: 19:00etan iritsiko dira herriko plazara.
- Aizarnazabal: 18:30ean udaletxera iritsiko dira, eta alkatearen agurra jaso ondoren, kabalkada egingo dute herrian barrena.
- Azkoitia: Kabalkada 19:30ean aterako da Santa Klaratik, eta ohiko ibilbidea egingo du. Meltxorrek, Gasparrek eta Baltasarrek zaldiz zeharkatuko dituzte Azkoitiko kaleak. Aurrez, 16:30etik 18:30era, haien laguntzaileak eliz atarian egongo dira haurren gutunak jasotzen.
- Azpeitia: Lasaotik txu-txu trenean etorrita, eta 17:15 aldera iritsiko dira parrokiara. Gero, 19:00etan igerilekutik abiatuta egingo dute kabalkada, eta 20:00 aldera iritsiko dira plazara.
- Getaria: 18:00etan iritsiko dira Erregeak, eta herrian buelta bat eman ostean, plazan egingo dute geldialdia.
- Orio: 18:00etan hasiko da desfilea, danborradaren laguntzarekin. Zubitik hasi eta Ibai Ondo eta Bikamiota zeharkatuko dituzte, Herriko Plazara heltzeko.
- Zarautz: 18:30ean helduko dira, eta Bizkaia kaletik hasik dute ibilbidea, Santa Ana egoitzan bukatzeko.
- Zestoa: 18:30ean iritsiko dira Akoatik barrena, eta aurten ibilbide berezia izango du kabalkadak; izan ere, Gisasola egoitzan geldialdia egingo du. Ondoren, elizara joango dira eta haurrek gutunak Erregeei emateko aukera izango dute. Aurrez, Arroabean izango dira Erregeak. Hain zuzen ere, 18:10ean helduko dira Olaeta kaleko autobus geltokira, eta auzoan bueltatxoa emango dute jarraian.
- Zumaia: 18:30 aldera itsasontziz helduko dira Erregeak Zumaiara. Behin Itsas kiroldegiko pantalanean lehorreratu eta gero, karrozetara igoko dira eta handik ekingo diote kabalkadari.
