Aski ezaguna da Naiara Barredoren (Zumaia, 1984) ahotsa. Egunero-egunero, irratia piztu eta frekuentzia bat baino gehiagotan entzun daiteke bere eguneko eguraldiaren iragarpena. Ikasketaz, fisikaria da, eta etorkizuneko energien inguruko masterra eginda badu ere, metereologia arloan dabil lanean duela zazpi urte ingurutik. Gai hori da, hain zuzen, azkenaldian zeresana ematen ari dena. Uholdeak jasan dituzte hainbat txokotan, eta beste leku batzuetan, aldiz, ur hornikuntza arazoak edukitzen ari dira egunerokotasunean, lehorteak tarteko.