Gabon egunez tradizio bilakatu den moduan, Erniarraitz bertsozale elkarteko kideak Gabon eskean atera dira gaur. Dozenatik gora bertsolari elkartu eta baserriz baserri kantuan aritu dira. Hain zuzen ere, Errezilen eta Bidania-Goiatzen barrena ibili dira, pandero eta trikiti doinuz lagunduta, ingurukoen aldartea alaitzen. Bertsorik eta umorerik ere ez da falta izan gaurkoan.
