Asteburu honetan ere bi banderak etxera ekarri dituzte Orio Arraunketa Elkarteko gizonezkoek. Maila ezin hobea erakutsi dute Pasaian (Gipuzkoa), baita Getarian ere, nagusiki irabazi baitituzte herri horietan jokatutako estropadak. Herritarrak, jada ohituta igandeetako arraun festara, kalera atera ziren atzo iluntzean txapeldunak zoriontzera. Orioko Txarangaren doinuak ere ez ziren falta izan, eta beste behin, herri oso baten besarkada jaso zuten etxeko txapeldunek.
Datorren asteburuan Zarautzen izango dira Euskotren eta Eusko Label ligetako estropadak. Bi eguneko hitzordua da, gainera, Zarauzkoa, eta Euskotren ligari dagokionez, haiekin amaituko dute aurtengo liga.
(Argazkiak: Joxemari Olasagasti eta Bittor Andres).
