Hasi da atzera kontaketa Harribilen festa handirako

Onintza Lete Arrieta eta Gorka Eizagirre 2025ko api. 3a, 09:57

Larunbat honetan egun osoko jaia ospatuko du herriko dantza taldeak bere 30. urteurrena ospatzeko. Herritarrekin batera aritu nahi dute kalejiran, erromerian nahiz bazkaritan, eta azaldu dute herri bazkarirako txartelak salgai egongo direla ostiral eguerdira arte.

1995. urtean sortu zen Harribil dantza taldea Orion, eta ordutik, makina bat oriotar ibili dira hankak eta besoak astinduz herrian bertan nahiz herritik kanpo eskainitako emanaldietan. 30. urteurrena ospatzeko, baina, emanaldiak alde batera utzi, eta festa giroko egun osoko jaia antolatu dute.

Larunbat honetan, etzi, izango da jaia eguerdian hasi eta iluntzera arte, eta Jon Alkain taldekideak kontatu dizkio xehetasun guztiak Guka Telebistari. Esaterako, herri bazkarirako txartelak salgai egongo direla bihar eguerdira arte Kutixi kafetegian.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide