Mari Jose Iparragirre ez da geldirik egotekoa. Iturbide kalean du bere lokala, eta kanpotik ikusita, ezagutzen ez duenak ezin ditu jakin bertan ezkutatzen diren sekretuak. Umeei eskulan klaseak emateaz gain, Iparragirrek berak ere nahikoa ordu igarotzen ditu lokalean bere sorkuntzak prestatzen. Orain, Orioko kofradia zaharraren kartoizko erreplika egiten dabil buru-belarri, eta Gabonetako oporretan amaituta edukiko duela adierazi du sortzaileak.