Atzo hasi zen Orion VIII. Garagardo Azoka Orio Arraunketa Elkarteak antolatuta, eta irekiera ekitaldiarekin batera, Mirotza Sariak banatu zituzten. Hain zuzen, Jokin Altuna pilotariarentzat eta Orioko Eragin eskubaloi taldeko emakumezkoetzat izan ziren sariak. Garaikurra "ohorea" dela azpimarratu zuten sarituek, eta "eskertuta" azaldu ziren arraun elkartearekin. Hainbat herritar gerturatu zen azokara atzokoan, eta hala egiteko aukera izango dute igandera bitartean.