Azkoitian izan da Arnaldo Otegi

Azkoitian solasaldia eskaini zuen atzo, ostirala, Arnaldo Otegi EH Bilduko koordinatzaile nagusiak. Azkoitiko EH Bilduk antolatu zuen Autonomiatik subirautzara goiburudun hitzaldia, eta 80-90 lagun izan ziren Otegi entzuten Elkargunean. Idoia Uranga Azkoitiko EH Bilduren udal taldeko zinegotziak egin zituen aurkezle lanak. Ez zen atzokoa izan EH Bilduk antolatu duen hitzaldi bakarra; izan ere, maiatzaren 16an, pentsioak izango dituzte hizpide Nerea Kortajarena EH Bilduko legebiltzarkideak eta Marian Esnaola Duintasuna elkarteko kideak. Saioa 18:30ean izango da Elkargunean, Guk gure pentsioak izenburupean.