Jubenilen eta nagusien mailetan Azkoitiko bikote bana ariko da lehian. Hiru mailatako finalak izango dira, eta 19:00etan hasiko dira horiek.
Gizonen eskuz binakako Udaberri Sariko finalak jokatuko dituzte ostiralean Azkoitian. 19:00etan hasiko dira norgehiagokak Gurea pilotalekuan. Kadete lehen mailako finala Hernaniko Uitzik eta Lasak jokatuko dute LAPKE 2 taldeko Naldaiz eta Goikoetxearen kontra. Jubenilen lehen mailako finala, berriz, Azkoitia 2 taldeko Oteizak eta Urangak jokatuko dute Tolosa-Aurrera 2 taldeko Lasa eta Etxeberriaren aurka. Nagusien mailako finalean ere izango dira azkoitiarrak; izan ere, Azkoitia 2 taldeko A. Juaristik eta J. Juaristik Intza 1 taldeko Artetxe eta Elolaren aurka neurtuko dituzte indarrak.
Dena den, ez dituzte Azkoitian bakarrik jokatuko finalak; larunbatean Legazpin izango dira neurketak, 19:00etan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide