Emakumeen erabakimena eta berdintasuna izan zituzten atzo hizpide EH Bilduko kideek

Oihana Etxebarrieta eta Monika Plazaola atzoko solasaldian. (Azkoitiko EH Bildu) Martxoaren 8aren atarian, atzo, zapatua, Azkoitiko EH Bilduk antolatutako bi solasaldi izan ziren Elkargunean. Hain zuzen ere, 11:00etan hasita, Emakumeok erabaki hitzaldia eskaini zuten Oihana Etxebarrieta EH Bilduko legebiltzarkideak eta Monika Plazaola EH Bilduko Feminismo eta LGTBI+ idazkariak. Saio hura bukatzean, 13:00etan, berdintasunaz hausnarketa plazaratu zuten Edurne Aranbarri Berdintasun teknikariak eta Oihana Sudupe Azkoitiko EH Bilduko kideak. Dozenaka lagun izan ziren Elkargunean bi saioak entzuten.