Mighty Sands taldeak kontzertua eskainiko du zapatuan Matadeixen

https://www.youtube.com/watch?v=zR6H-xPBiK0 Lisboako Mighty Sands boskoteak kontzertua eskainiko du zapatuan, 22:30ean hasita, Azkoitiko Matadeixen. Taldeak musika psikodelikoa egiten du. Matadero Ekintzakek jakinarazi duenez, "Kaliforniako surf musika gogorarazten duen kolorez betetako gitarra soinuak ditu taldeak oinarritzat". Haien arabera, soinu horiek 1970eko hamarkada hasierako "doinu sinple baina dantzagarriekin" nahasten dituzte teklatu soinuen laguntzarekin. Portugalgo taldea 2013an sortu zuten, eta bi lan kaleratu dituzte urteotan: Big Pink vol. 1 (2015) eta Big Pink vol. 2 (2016).