Euskal Herriko Hiru Txirlo Bolo Txapelketako saio bat Azkoitian jokatuko dute

Hiru Txirlo Bolo Txapelketako irudi bat. (Azkoitiko Hitza) Euskal Herriko XXVIII. Hiru Txirlo Bolo Txapelketa jokatuko dute irailaren 23tik urriaren 28ra bitartean, eta saioetako bat, aurrena, Floreagako bolatokian izango da. Zapatuan jokatuko dute saioa 17:00etan hasita, eta bost euro ordaindu behar da lehian izena emateko. Lehenen egiten duenak 65 euroko saria jasoko du; bigarrenak, 50 eurokoa; hirugarrenak, 35 eurokoa; laugarrenak, 20 eurokoa; bosgarrenak, 10 eurokoa; eta seigarrenak, oparia. Euskal Herriko Hiru Txirlo Bolo Txapelketako gainerako saioak Markina-Xemeingo Barinaga bolatokian, Eibarko Asola Berrin eta Bolibarko Iruzibitxan jokatuko dituzte.