Feminismoaz eta euskaraz ariko dira Lorea Agirre eta Idurre Eskisabel bihar, Azkoitian

Maxixatzen Euskaldunon Elkarteak antolatuta eta Maiatzeko Lorak egitasmoaren barruan, hitzaldia eskainiko dute bihar, asteartea, Lorea Agirre Jakin aldizkariko zuzendariak eta Idurre Eskisabel EHUko irakasleak. Hitzaldia Elkargunean izango da 19:00etan hasita, eta euskara eta feminismoa izango dituzte bi kazetariek hizpide. Solasaldiaren atarian, Eskisabel elkarrizketatu dute Maxixatzen.eus-en. Agirreren eta Eskisabelen hitzaldiarekin hasi besterik ez da egingo Maiatzeko Lorak egitasmoa; izan ere, Erniarraitz bertsozale elkartearekin elkarlanean antolatutako bertso saioa izango da Floreagako On Bosco aretoan, 22:00etan hasita. Maialen Lujanbio, Andoni Egaña, Uxue Alberdi, Amets Arzallus, Eneritz Artetxe eta Unai Izagirre ariko dira kantuan. Maiatzaren 27an, berriz, Alai Batza aisialdi elkartearekin lankidetzan antolatuta, haur jolasak izango dira plazan 16:30etik aurrera.