Martxan dira Azkoitian Matadeiko VIII. Antzerki Jardunaldiak, eta igandean izango da hurrengo emanaldia. Urtero bezala, umeentzako obra bat ekarri dute aurtengoan ere: hain zuzen, Ipar Euskal Herriko Banakike txotxongilo taldearen Ilargi Arrantza. Maika Etxekopar eta Batiitt Halsouet antzezle eta txotxongilolariak igoko dira oholtzara, 18:00etan hasiko den emanaldian. Hura amaitzean, txokolatada izango da.