Bihar izango da ingelesean trebatzeko lehen jarduera, Gaztanenea Formakuntza Zentroan

Ingelesean trebatzeko hainbat jarduera antolatu dituzte Azkoitiko Gaztanenea Formakuntza zentroan, eta bihar izango da lehen saioa. Ingelesa ama-hizkuntza duen Ellie de Carlek gidatuko du solasaldia, 19:00etan hasita, eta ingelesean trebatu nahi dutenei zuzenduta dago, ulermena eta adierazpena hobetzeko. Kultura ingelesa izango du Ellie de Carlek hizpide, eta, besteak beste, honako gai hauek landuko ditu: tradizioak, hango janari tipikoa, futbola eta beste hainbat bitxikeria. Hurrengo bi solasaldiak apirilaren 28an eta maiatzaren 26an izango dira, 19:00etan.