Garazi Legarda-Ereño da Zubiaurre elkartearen logo berriaren egilea

Zubiaurre Igeri Elkartearen logo berria. (Garazi Legarda-Ereño) Azkoitiko Zubiaurre Igeri Elkarteak 25 urte bete ditu aurten, eta horren harira, elkartearen logo berria sortzeko lehiaketa egin dute. Guztira, 22 irudi jaso dituzte, eta, azkenean, Garazi Legarda-Ereñorena izan da irabazlea. Millar Larramendiren oparia eskuratu du sari gisa. Horrez gain, Izpi Optikak eskainitako opari bat zozkatu dute partaideen artean, eta Alazne Larrañagak irabazi du.