08:30ean gertatu da istripua, AP-8 autobidean, Deban. EITBk jakinarazi duenez, 60 urteko gizon azkoitiarra da hildakoa.
Gizon bat hil da AP-8 autobidean, Deban, kamioi batek harrapatuta. EITBk jakinarazi duenez, 60 urteko gizonezko azkoitiarra da hildakoa. 08:30 aldera gertatu da istripua. Antza denez, autoren batek arazoren bat izan du, eta seinaleak jartzen ari zela harrapatu du kamioi batek gizonezkoa, Itziarko tuneletara iritsi baino metro batzuk lehenago. Ertzaintza gertatutakoa ikertzen ari da, biktima errepidean zergatik zegoen argitzeko. Istripuaren ondorioz, eskuineko erreia itxi behar izan dute, eta auto-ilarak sortu dira.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide