Rock-and-roll doinuez gozatu ahal izango da ostiralean Azkoitiko Matadeixen, 22:30etik aurrera. Izan ere, Sumision City Blues eta What a Band taldeek disko berriak aurkeztuko dituzte. Sumision City Blues blues, folk, country eta rock estiloak biltzen dituen talde gasteiztarra da. What a Band, berriz, Bergarako taldea da, eta musikari eskarmentatuak daude tartean; Fiachras, Bizardunak, Mahaster River, Belceblues eta Brigada Criminal taldeetakoak, besteak beste. Oraingoan, baina, country-rockean jarri dituzte indarrak, beti ere bestelako ñabardurak gehituz. Iaz kaleratutako Soft and strong diskoak harrera oso ona izan du, eta bertan aurkeztuko dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide