Azkoitiko farmazien guardiako orduak gutxitu dituzte

Urtarrilaren 1etik aurrera, Azkoitiko farmazietan aldaketak izango dira guardiako zerbitzuan. Astelehenetik ostiralera, 09:00etatik 20:00etara egongo da irekita guardia egokitzen zaion farmazia. Zapatuetan, berriz, herriko farmazia guztiak egongo dira zabalik 09:00etatik 13:00etara, ohi bezala. Arratsaldeetan, ordea, herriko farmazia guztiak itxita egongo dira, eta, beraz, Azpeitian edo inguruko herrietan guardian dauden botikek eskainiko dute zerbitzu hori. Igandeetan, 11:00etatik 13:00etara zabalduko dute Azkoitian guardian dagoen farmazia. Gainerako ordu guztietan, Azpeitiko guardiako farmazia egongo da irekita. 2017an, Azpeitiko Beristain farmaziak (Sanjuandegiko Urbitarte auzuneko 3. zenbakian) eskainiko du gaueko guardia zerbitzua.