Emakumeen Kontrako Indarkeriaren Aurkako Nazioarteko Egunaren harira, hainbat jarduera antolatu dituzte Azkoitian

Azkoitian hainbat jarduera antolatu dituzte Emakumeen Kontrako Indarkeriaren Aurkako Nazioarteko Egunaren harira. Hona hemen egitaraua: -Azaroak 23, asteazkena: Adierazpen instituzionala, 19:00etan, udaletxeko batzar aretoan, osoko bilkuran. -Azaroak 25, ostirala: Indarrak batuz aurre egin indarkeriari martxa. 12:30ean hasita, Balda plazatik herriko plazara. Ondoren, ekitaldia plazan, Hezkidetza Foroak antolatuta. -Azaroak 26, larunbata: Beldur Barik topaketa Urdulizen (Bizkaia), 16:30etik 21:00etara. Doako autobus zerbitzua eskainiko dute. Izena beldurbarik.org webgunean eman behar da. -Azaroak 28, astelehena: Mikromatxismoak eta indarkeria sinbolikoa hitzaldia, 18:00etan, Elkarguneko Oteiza aretoan. Jone Gurrea izango da hizlaria, Sortzen kontsultoriakoa.