Atzo izan zuten Azkoitiko merkatariek Facebook sare soziala erabiltzen ikasteko lehen saioa. Guztira, 19 lagunek eman dute izena ikastaroan, eta, atzo, besteak beste, profil pertsonala eta orrialdeen arteko ezberdintasunak ikusi zituzten. Era berean, profil publikoa eta orrialdea sortu zituzten.
Udalak merkatariekin egindako parte hartze prozesuaren ondoren antolatu du ikastaroa, dendariek egindako eskaeretako bat zelako. Negozioa eta produktuak ezagutarazteko sare sozialen erabileran sakontzea da helburua.
Guztira, lau saio izango dira. Hurrengoak urriaren 27an eta azaroaren 3an izango dira, eta laugarrena zalantzak argitzeko izango da, baina oraindik ez da data zehaztu.