Martirietako igoera egingo dute abuztuaren 13an

(E. Albizu Lizaso) Martirietako bizikleta igoera egingo dute abuztuaren 13an, larunbatean, Azkoitian. Herriko plazan hasi, eta Martirieta gainera igoko dira txirrindulariak, 3,7 kilometroko ibilbidea eginda. Izen-ematea doakoa da, eta egunean bertan egin daiteke plazan, 16:00etatik 16:45era. Bukaeran, parte-hartzaile guztientzat merienda, irabazleentzat sariak eta zozketa ugari izango dira. Joseba Albizu azpeitiarrak du ezarrita igoera horretako marka, 11 minutu eta 30 segundoko denborarekin. Jokin Ormaetxea txirrindulari elkarteak antolatu du, udalaren eta herriko zenbait merkatari eta denden babesarekin.