Igandean jarriko dituzte salgai Pirritx, Porrotx eta Marimotots Baztartxon ikusteko sarrerak

Pirritx, Porrotx eta Marimototsek abenduaren 23an bisitatuko dute Azkoitia, urteroko ohiturari jarraituz. Estreinatu berri duten Amalur ikuskizunerako sarrerak igandean jarriko dituzte salgai. Hitzordua, beti bezala, Baztartxon izango da. Aurreneko saioa 16:00etan hasiko da eta, bigarrena, 18:30ean. Sarrerak antzokian bertan egongo dira eskuragarri igandetik aurrera, 9:00etatik 11:00etara. Helduen sarrerak zortzi euroren truke lortu daitezke; gaztetxoenak, berriz, sei euroren truke.