Bizikletatik jaitsi behar da Elkargunetik pasatzeko

Azkoitiko Udalak seinaleak jarri ditu herritarrak bizikletatik jaitsi daitezen Elkarguneko tuneletik eta Aita Madinabeitia plazatik pasatzean. Jende asko ibiltzen den gunea denez, «istripuak saihesteko» eta «herritarren segurtasuna» bermatzeko hartu du neurria erakundeak. Neurri berria errespeta dadin, udaltzaingo gehiago jarri dituzte inguru horietan, udalaren arabera. Elkargune atarian jarri dute trafiko seinale berria (Ana Abarisketa)