Udako ordutegia izango du Azkoitiko Urbanue autobus zerbitzuak

Urbanue autobus zerbitzuan hainbat aldaketa izango da udan, bai ordutegian baita geltokietan ere. Astelehenetik aurrera izango da eta irailaren 4a bitartean iraungo du. Ugarteigaran igerilekuetarako zerbitzuak handitzeko helburuarekin jarriko ditu indarrean aldaketa hauek udalak. Informazio zabalagoa hemen ikus daiteke. Ordutegiari dagokionez, goizeko 07:30etik 08:30era ez da zerbitzurik izango. Urbanue goizeko 08:30ean hasiko da martxan Ipintzatik, ohiko ibilbidearekin. Arratsaldean, berriz, 15:30ean hasiko da zerbitzua, Ipintzan, eta 15:45ean iritsiko da igerilekuetara. Bestalde, liburutegiko geltokitik 16:00etan abiatuko da, Ugarteigaranera 16:20an iristeko. 16:30etik bukatu arte, ohiko ordutegia mantenduko da. Ibilbideari dagokionez, hauek dira aldaketak: - 2. Biran, Klara Doneako geltokia kenduko da. - 3. Biran, Insausti parkeko geltokia kenduko da, eta San Martin kaletik Altzibartxo aldera luzatuko da zerbitzua.