Azkoitiko Matadero Zinetogram taldeak aste honetan abiatuko du zine denboraldi berria, eta aurten ere zine forum saioak eskainiko dituzte asteazkenero, Matadeixen. Hil honetan, beraz, lau asteazkenetan eskainiko dituzte zine forum saioak, eta taldeak egitaraua zehaztuta du dagoeneko. Bihar izango da lehenengo emanaldia, eta Le passé (Asghar Farhadi, Frantzia, 2013) filma eskainiko dute. Hurrengo asteazkenean, berriz, Zerkalo (Andrei Tarkovsky, SESB, 1975) filma ikusteko aukera izango da Matadeixen, eta irailaren 17an La familia (Ettore Scola, Italia, 1987) eskainiko dute. Hil honetako asteazkenetako azken filma Nebraska (Alexander Payne, AEB, 2013) izango da, irailaren 2an. Emanaldi guztiak 21:30ean izango dira.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide