Diru-laguntzak azaroaren 25era bitartean eskatu daitezke, udaletxeko harrera bulegoan. Gehienez 6.000 euro banatuko dituzte, eta eskaera kopuruen eta gastuen arabera bakoitzak zenbateko jakin bat jasoko du. Besteak beste, honako inbertsioak egiteko eskatu daitezke laguntzak: kanpoaldea berritzeko (fatxada, argiztatzea...), igeltseritza eta zurgintza lanetarako, erakusleihoak egiteko edota lokalak irisgarri bihurtu eta ezinduentzako sarbidea errazteko.
Hemen ikus daitezke oinarriak: www.azkoitikoudala.info/eu/diru-laguntzak/2214-merkataritza-establezimenduak-egokitzeko-edo-berriak-irekitzeko-diru-laguntzak-
Azkoitiko herrigune historikoko saltokientzako diru-laguntzen deialdia zabalik da
Azkoitiko Udalak herrigune historikoko merkataritza saltokiak edo berriak irekitzeko inbertsioak jasotzeko diru-laguntzen deiadia zabaldu du. Diru-laguntzen bidez herriguneko merkataritza jardueraren lehiakortasuna areagotzea du helburu, lokalen eta azpiegituren kalitatea hobetuz. Horrez gain, lokal hutsak azkarrago betetzea du xede, "kaleen irudi orokorra hobetu" dadin. Azkoitiko merkataritza-sarea aberasteko, beraz, negozio berriak martxan jartzeko aukerak areagotu nahi dizkiete herritarrei.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide