Anaitasunak urteko batzarra egingo du ostiralean

Anaitasuna Futbol Taldeko zuzendaritza batzordea
(Anaitasuna F.T) Azkoitiko Anaitasuna Futbol Taldeak urteko batzar orokorra egingo du ostiralean. Elkargunean bilduko dira, 19:00etan, eta honakoa izango dute hizpide: lehendakariak agurra egin ondoren, amaitu den denboraldiko kirol jardueren errepasoa egin eta egoera ekonomikoa plazaratuko dute. Azken urteetan zuzendaritza batzordean izan direnek taldea agurtuko dute ondoren; azkenik, galdera eta eskaeren txanda izango da. Elkarteak dei egin die kideei bertaratu daitezen.