Alaia Epeldek karateko Hirugarren Dana lortu du

Soares, Epelde eta Larrañaga. (Argazkia: Anaitasuna Kanku Kluba) Alaia Epelde Azkoitiko Anaitasuna Kanku Klubeko karatekak Hirugarren Dan-a eskuratu du. Diana Soares eta Maite Larrañagarekin osatu du lan taldea maila horretara iristeko; bere lanean eskuak irekita eraso egin eta defendatzeko teknikak jorratu ditu, defentsa pertsonaletarako katatan oinarrituta. Klubak Epelderen eta haren bi taldekideen lana eta jarrera zoriondu du.