Hondakinen lan taldearen saioa izango da bihar

Laugarren saioa izango da biharkoa Azkoitiko hondakinen lan taldeak laugarren bilera egingo du bihar, eta datu ekonomikoak jorratuko dituzte 18:30eatik aurrera Elkargunean. Batetik, Azkoitiko hondakinen kudeaketaren datu ekonomikoak azalduko ditu udaleko kontuhartzailea den Ana Ruizek; horrez gain, Garbitania enpresako kide batek Urola Erdian atez ateko bilketa sistema teknikoki eta ekonomikoki bideragarria den ala ez azalduko du; ohi bezala, amaieran gaiaren inguruan hausnartzeko tarte bat zabalduko dute.