Dantzari Txiki Eguna, iaz
(Onintza Lete Arrieta)
Dantzari Txiki Eguna ospatuko dute etzi, eta Musika Eskolako taldeak eta Xabier Munibe eta Floreaga ikastetxeetako Kandiola taldeak herriko txokoak girotuko dituzte. 11:00etan Julio Urkijo etorbidean elkartuko dira, eta ondoren plazara kalejiran joango dira. 12:00etan plazan Agurra dantzatu ondoren kale nagusian zehar erakustaldia egingo dute; 13:15ean, berriz, dantza alardea egingo dute plazan.
Dantzari Txiki Eguna Txalkor Txistulari Taldeak antolatu ohi du, IGE-AMPA Floreagako Guraso Elkartearen laguntzarekin eta Azkoitiko Udalaren babesarekin.