Taldez Talde ekimena martxoan egingo dute
(Bizkargi Musika Eskola)
Bizkargi Musika eta Dantza Eskolak ikasturteko bigarren hiruhileko ekintzak hasiko ditu, eta ostiralean lehenengo entzunaldia eskainiko dute Elkarguneko aretoan, 18:30ean. Musika tresna desberdinak izango dira entzungai; hala nola, pianoa, akordeoia, saxofoia edota trikitixa.
Bigarren kontzertua, berriz, otsailaren 25ean eskainiko dute ikasleek, eta martxoan XIV. Taldez Talde egitasmoa egingo dute Kontzejupean. Hiru igande jarraietan izango dira saioak; martxoak 3an, 10ean eta 17an.