Basque adventure taldeak Geocaching saioa antolatu du iganderako, eta Madarixa mendian altxorraren bila jolasa egingo dute; hala, jokalariek ezkutatutako gauzak topatu beharko dituzte GPSen bidez, orientazioa landuz. Taldeka arituko dira horretan, eta 09:30ean elkartuko dira guztiak, Madarixan, honako koordenetan: N43 12,829 W2 18,846.
Bertan parte hartzeko aldez aurretik eman behar da izena, basqueadventure@yahoo.com helbidera idatzita edo 660-80 67 03 telefonora deituz. Taldeko 15 euro ordaindu beharko dute, eta bazkaria nahi izanez gero beste 20 euro ordainduko dute. Antolatzaileek adierazi dute Xoxoten bazkalduko dutela, eta honako menua izango dute: paella, haragi gisatua, mamia edo flana, kafea eta kopa. Ekimenaren inguruko informazio gehiago www.basqueadventure.com helbidean aurkitu daiteke.