Azkoitian zenbatu dituzte Eusko Legebiltzarrerako boto guztiak, eta EAJ izan da lehen indarra, tarte txikiarekin. Izan ere, 2.428 boto eskuratu dituzte jeltzaleek, eta EH Bilduk, berriz, 2.238. PSE-EEk, hirugarren indarrak, aldeko 628 boto izan ditu, PPk 246, eta UPDk 26.
Aurten 8.587 lagun zeuden erroldatuta, eta %31,62koa izan da abstentzioa; 2009koa baino baxuagoa, orduan boto-emaileen %33,78 abstenitu baitzen. Botoen %0,72 izan dira zuriak, eta %0,48 baliogabeak.