Urola Ikastola Azkoitia-Azpeitia BHIk batxilergoko eta lanbide heziketako gurasoekin bilera egingo du hurrengo astelehenean, hilak 24ean. Gurasoak tutoreekin elkartuko dira, eta hainbat gai jorratuko dituzte; hala nola, Batxilergoko mailen antolaketa (ikasgaiak, irakasleak, ordutegiak), ebaluazio eta errekuperazio prozedurak, ikastetxearen araudia eta funtzionamendua, ikasturtearen berezitasuna, tutoretza eta orientazio zerbitzuaren antolaketa eta Urola Ikastola Azkoitia-Azpeitia BHIren konpromisoa izango dute hizpide.
Batxilergoko gaztelerazko bilera 18:00etan izango da, eta euskarazkoa, berriz, 19:00etan. Lanbide Heziketan arituko diren ikasleen gurasoekin 19:00etan elkartuko dira, eta saioa euskaraz eta gazteleraz egingo dute. Gurasoak euren seme-alabei dagozkien ikasgeletan elkartuko dira, eta ikastetxeak gomendatu die ikasleei banatu zizkien karpeta eraman dezatela.