Bizkargi Musika Eskolan Musika Hezkuntza Goiztiarra eskainiko dute beste urte batez, Nerea Goikoetxea musikoterapeutaren eskutik. Egitasmoaren inguruko nondik norakoak azaltzeko ikus-entzunezko aurkezpena egingo dute datorren asteazkenean, hilaren 12an, musika eskolan, eta iazko esperientzia ezagutu ahal izango dute Musika Hezkuntza Goiztiarrarekin interesatua daudenek.
Egitasmoa zero eta bi urte bitarteko umeei zuzenduta dago. 17:30ean izango da aurkezpena, eta antolatzaileek dei egin die gurasoei bertaratzera, “inongo konpromisorik gabe”.