Azkoitiko Udalak eta Txerloia Tenis Klubak elkarlanean antolatzen duten Teniseko Uda Ikastaroa amaitu da, eta antolatzaileek adierazi dutenez, inoiz baino ume gehiagok hartu dute parte ekimenean; hain zuzen ere, 158 haur aritu dira tenisa ikasten Txerloiako pistetan. Uztaila osoan eskaini dute Uda Ikastaroa, bi hamabostalditan banatuta. Bestetik, Azkoitiko Tenis Eskolako 2012-13ko denboraldia irailean hasiko da. Hurrengo hilatik ekainera bitartean iraungo du denboraldi berriak, eta bertan aritzeko 669 62 18 02 telefonora deituta eman daiteke izena.