Orion Ehiza eta Arrantza Elkarteak antolatuta, Andramari Plater Tiraketa Sari Nagusia izango da larunbatean, Izarre Jandalon. Goiz eta arratsaldez izango dira saioak, 12:00etatik 13:00etara eta 16:00etatik 18:00etara bitartean. Gipuzkoako Olinpiar Tiraketa Federazioaren araudian oinarrituta egingo dute txapelketa, erreten-robot modalitatean eta 15 plater laranjetara. Lehen irabazleak 100 euro jasoko eta oparia jasoko ditu; bigarrenak, berriz, 80 euro, eta hirugarrenak 60 euro. Laugarrenak eta bosgarrenak, berriz, 40 eta 20 euro jasoko dute, hurrenez hurren.