Iñaki Loinaz
Urte ederra egin du Iñaki Loinazek (Azkoitia, 1991) triatloian. 23 urte azpiko Euskadiko txapeldun izatea lortu du, eta duela bi aste Aritzulekuko triatloia (Euskal Herri mailako txapelketa) irabaztea lortu zuen bere kategorian. Orokorrean bosgarren gelditu zen. Zortzi triatloi korritu ditu guztira. Hondarribiako akuatloia ere irabazi zuen larunbatean. Biatloietan ere hartu du parte, eta emaitza onak lortu. Kiroleko magisteritza oraintxe amaituta, dudatan dabil datorren urtean ze ikasi behar duen; horrek baldintzatuko du entrenatzeko zenbat denbora izango duen datorren denboraldian. Garbi dauka ikasten jarraituko duela.