Gaur eguerdian egin duten protesta
Eske-juridikoa egingo duela jakinarazi du ELA sindikatuak, lorezainen kasuaren inguruan. Gaur eguerdian (osteguna) beste elkarretaratze bat egin dute kontzejupean bi lorazainen subrogazioa exijitzeko. Bertan jakinarazi dutenez, “lorezainen hitzarmena dago estatu mailan”, eta bertan dioenearen arabera, enpresa batek (kasu honetan Udala izango litzateke), azpikontratatuta izango balitu langileak, eta zerbitzu horretan enpresa aldaketa bat baldin badago, enpresa berriak bere gain hartu beharko lituzke langile horiek; ELAko ordezkari batek azaldu duenez. Kasu honetan, zerbitzu horren ardura Udalak hartuko duenez, bere gain hartu beharko lituzke langile horiek. Horregatik eskatu dute subrogazioa.
Horrez gain, Udaleko alderdi politiko guztiekin hitz egitekoak dira, beraiek prestatuko duten mozio bat aurkezteko. Bertan, aipatutako eskaerak egongo lirateke.