Inguruko herrietan dabilen saltzaile batekin kontuz ibiltzeko deia egin dute Ertzaintzatik. Batez ere, adineko pertsonei helarazi nahi izan die mezua. Azpeitiko udaltzaingoak pasa zion abisua Ertzaintzari. Dirudienez 30 urte inguruko emakume beltzaran bat da eta Osakidetzakoa dela esaten du. Etxean agertu baino pare bat aste leheago eskuorri bat uzten du galdera batzuekin. Gero, etxera joaten da osakidetzakoa dela esanez, eta barrura sartzeko baimena eskatzen dio bertan dagoenari. Tentsioa hartu eta bizkarraren inguruko galderak egiten ditu. Ondoren, koltxoia erakusteko eskatzen dio etxeko jabeari eta koltxoi bat saldu nahian hasten da. Ertzaintzatik jakinarazi dutenez, hori saldu arteko onik ez du izaten.