Irabazleak pozik, garaikurrekin
Garazi Gurrutxagak eta Asier Ibargurenek irabazi dute Dantza Sueltoko Gipuzkoako Txapelketa hamasei urtez azpikoen mailan . Trintxerpen jokatu zen pasa den astebukaeran, eta orain bi aste Bergaran egin zen Euskadiko Txapelketa ere beraiek irabazi zuten. Horregatik, «gustura» daudela azaldu dute biek. Bizkargi Musika Eskolak emaitza bikainak lortu ditu. Izan ere, Ioritz Galarraga eta Laura Olaizola bikotea bigarren sailkatu zen Trintxerpen, eta Bergaran, berriz, hirugarren. Bi bikoteak azpeitiarrak diren arren, Bizkargi Musika Eskolako kideak dira, eta Aitor Sorazuren agindupean aritzen dira.