Txalon errekako lanak
Miguel Reimundez, Azkoitiko PSE-EEko udaletxeko zinegotziak, EAjren eta Bilduren jokaera saltu du Txalon Errekako lanen inguruan. Hango lanak amaitzeko Eusko Jaurlaritzako Hiriber programaren diru laguntzaren zati bat galdu du Azkoitiko Udalak. Txalon Errekako lanak 2011ko abenduaren 31rako amaitu behar zituzten, baina amaitu ez zituztenez, ordura arte egindako lanen kostuak baino ez dira ordainduko Jaurlaritzatik.
EAJk diru laguntza lortu eta lanak egiten hasteko agindua zergatik ez zuen eman galdetu du Reimundezek. “Oraindik ez dute hori erantzun”, salatu du. Uztailean eta urrian Jaurlaritzak abisua pasa ziola Udalari lanen inguruan ere gogorarazi du, eta “azkenengo momentura arte” egon zirela atzerapena eskatzeko esan dio. Aurreko Udal Gobernuan PSE-EE egotean ez daukala zerikusirik ere gaineratu du. EAJk hori aurpegiratu baitio Reimundezi aste honetan.