On Boscoren irudia parrokian
On Bosco, Salestarren fundatzailearen irudia eta erlikia Azkoitian dira. Irudia parrokian dago herritarrentzako ikusgai, eta plazan, berriz, Lehen hezkuntzako haurrentzako jolasak egon dira, Floreagan, berriz, Haur Hezkuntzakoentzako jolasak.
Umeak plazan
Gero, agurtu egingo dute On Bosco, eta horretarako hainbat ekimen prestatu dituzte. 19:30ean, meza nagusia izango da, eta 20:15ean, bandarekin plazara joango dira. Han alkateak hitz batzuk egingo ditu, eta Azkoitiko Udalari, Parrokiari eta Floreagari oroigarri bana emango diote, eta Agur jaunak abestuta amaituko da ekitaldia.