Gaztetxoak oroigarriekin Kakuten
Eguraldi ona lagun, jende ugari igo zen Kakuteko Gurutzera igandean, orduan izan baitzen aurtengo Kakute eguna. Behin gurutzera iritsi eta gero, Anaitasuna Mendi Bazkunaren txabolan salda, pintxoak eta trago batzuk hartzeko aukera ere izan zuten. 11:15ean meza izan zen txabola inguruko mahai bat erabilita. Bertan azken urteetan hildako mendizaleak gogoratu ziren, eta hori amaitutakoan, domina banaketari ekin zioten. Hainbat neska eta mutilek jaso zuten saria 2011 urtean hamar mendi edota gehiago igotzeagatik.