Hemezortzi herritako taldek hartuko dute parte aurtengoan Gipuzkoako Herriarteko Kutxa Sarian. Atzo, osteguna, aurkeztu zuten, eta zozketa ere orduan egin zuten. Final zortzirenetako kanporaketan Azpeitiak eta Azkoitiak neurtuko dituzte indarrak. Orduan hasiko dira bi herriotako taldeak txapelketan parte hartzen.
Iaz, Azkoitiak Zaldibiaren aurka jokatutako final hamaseirena
Datorren ostiralean, hilak 11, hasiko dira final hamaseirenetako kanporaketak, eta finala uztailaren 8an, igandea, izango da Donostiako Atano III. pilotalekuan. Aurtengo txapelketan Zestoako eta Urretxuko taldeak izango dira berrikuntza nagusiak, eta Amasa-Billabonak, Astigarragak, Usurbilek, Soraluzek, Ataunek eta Albizturrek ez dute parte hartuko lehian.